LA UNION – Agtaltalinaed nga stable iti presyo ti karne ti baboy iti merkado publiko ti San Fernando City, La Union kalpasan a kumpirmaren ti meat vendors association nga adda panagkurkurang na iti supply.
Adda pakainaegan na daytoy iti epekto ti African Swine Fever (ASF) kadagiti baboy idiay Binmaley Pangasinan no sadino marigatan nga makaala dagiti vendors agsipudta kurang met ti supply ti baboy sadiay.
Iti pannakiuman ti Bombo Radyo La Union kenni Melinda Adriano, presidente ti meat vendors associations iti ciudad kinuna na a bimmaba ti 20% iti maparparti a baboy.
Umad-adu met kuna na iti demands ti karne ti baboy iti ciudad.
Kabayatan na, inlawlawag met ti provincial veterinary office a mabalin latta nga agangkat dagiti vendors ti baboy idiay probinsya ti Pangasinan.
Segun kenni Dra. Nida Gapuz, saan met nga apektado iti probinsya ti La Union iti lockdown iti panagangkat ti baboy ken umdas ti supply daytoy.
Pinalagipan na dagiti vendors a mabalin ti mangala t supply ti baboy iti probinsya iti kaadayo a 10 km radius.
