LA UNION – Ngimmato manen iti presyo ti karne ti baboy iti merkado publiko ditoy syudad ti San Fernando.
Segun kadagiti meat vendors a nakasar-sarita ti Bombo Radyo News Team, dumanon itan iti P300 kada kilo iti karne ti baboy manipud iti sigud a P270.
Kinuna ni Juanita Alma Esperanza, maysa kadagiti meat vendors, iti panagngato ti presyo iti karne ti baboy ket gapu iti kinakurang ti suplay gaputi nakaru a pannakaapektar dagiti hog raisers iti agraraira a sakit dagiti baboy nga African Swine Fever wenno ASF.
Malaksid laeng iti ngimmatu a presyo iti pagagangkatan ti karne.
Aminado pay ni Esperanza a kimmapsot iti panaglakwanda ti karne ti baboy, malaksid laeng a bimmasit iti consumers a mapan aggat-gatang iti uneg ti merkado publiko ditoy syudad, sipud timpuar ti sakit a COVID 19.
Nu agtultuloy kunana iti panagkurang ti suplay ti karne ti baboy, posible a ngumato pay iti presyo ti nasao a produkto ket agbalin a P320 kada kilo.
