Imbaga ti Department of Energy (DOE) nga imposiblen a maisubli ti ₱60/L dagiti presio ti krudo ken petrolyo gapu ti nagbalin nga epekto ti gubat idiay Middle East.
Segun kenni Energy Secretary Sharon Garin, daytoy ket gapu kadagiti nagbalin nga structural damages a maysa kadagiti nagbalin nga epekto ti gubat iti rehiyon. Awan met kano ti kasiguraduan no katno nga agsardeng iti gubat ken no kasano kabayag iti panangtarimaan kadagiti oil-related facilities.
Kenunana a no dua a lawas laeng iti tension, adda ti posibilidad nga agsubli iti sigud a presio, ngem gaputa sumagmamano a lawasen iti napalabas, saanen nga agbalin a napartak iti panangpababa ti presyo dagiti nasao a produkto.
Kabayatanna, iti laksid daytoy ket impanamnama ni Garin nga agtultuloy iti panangipaay ti gobierno dagiti fuel subsidies para kadagiti drivers nga apektado ti nangato a presyo ti petrolyo.
Adda pay dagiti programa a mailunsad tapno mapalag-an iti epekto ti nangato a presio ti krudo kadagiti motorista kas iti panangipatungpal dagiti discounts para kadagiti jeepney drivers a makitkita a maipaay ti tallo aginggana uppat a bulan.###
