LA UNION – Agtultuloy ti panagtulong iti naduma-duma a pribado a grupo ken organisasyon kadagiti evacuees ti Taal eruption.
Kas koma laengen ti Braveheart International Volunteer Organization wenno BIVO, Inc. a nangipaay metten ti tulong, kas koma iti relief items, kadagiti residente nga immakar idiay Sto Tomas, Batangas.
Kabayatanna, agtultuloy met ti ar-aramiden a rescue effort ti maysa nga Animal Welfare Group, kadagiti dingwen wenno ayup a nabati kadagiti napanawan a babbalay idiay Sto Tomas, Batangas.
Segun kenni Allan de Vera a tubo ti Rosario La Union ken maysa nga animal welfare rescuer, adu pay dagiti dingwen a napanawan nga agkasapolan ti panang-rescue, nangruna kadagiti lugar a nakaipatungpalan ti lockdown.
Nupay kasta, kas maysa nga animal rescuer, naka-pokus da iti panangisalba kadagiti ayup, nangruna dagiti naaddaan ti problema ti salun-at kalpasan iti Taal explosion.
