LA UNION – Manamnama a miyetnag ita nga aldaw ti Miyerkoles, Pebrero 3, iti maysa nga Executive Order (EO) babaen kenni City Mayor Herminigildo Gualberto, a mangituding iti price ceiling iti karne ti baboy.
Base iti napagnunumwan iti naisayangkat a public consultation a nakipasetan dagiti mangibagbagi iti meat vendors assiociaton, backyard hog raisers, meat vendors, DTI, DA ken dagiti lokal nga opisyal ti syudad, maibaba ken mailansa iti P330.00 kada kilo iti presyo ti karne ti baboy a mailako iti merkado publiko ditoy syudad ti San Fernando.
Naaramid ti nasao nga addang kas sungbat iti nangato unayen a presyo ti karne ti baboy, nga iti agdama ket agbalor ti P370 – P390 kada kilo.
Apaman a mairuar iti nasao nga EO a pirmado ti city mayor, agbalinen a sapasap a P330/kilo iti presyo ti karne ti baboy ditoy syudad.
