Inapreciar ti Philippine National Police (PNP) Region 1 iti kooperasyon ti publiko iti panangipatungpal dagiti safety protocol kabayatn ti obserbasyon ti Undas 2026.
Segun kenni PMAJ Cherry Tolentino, Public Information Officer ti PNP Region 1, kinunana a maragsakan da iti panagtulnog iti adu a tattao kadagiti naipatungpal a pagannurutan tapno agbalin a natalged ken nasayaat ti panagbisita dagiti tattao kadagiti sementeryo.
Nupay kasta, adda latta iti sumagmamano a naglabsing kadagiti protocol. Segun kenni Tolentino, adda iti 16 a banag ti nakumpiskar dagiti otoridad iti intero a rehiyon.
Manipud iti nasao a bilang, 11 ti nakumpiskar ditoy La Union, a pakairamanan ti walo a bladed weapon, dua a vape ken maysa nga flammable item.
Dagiti lima pay a bladed weapons ket nakumpiskar idiay Pangasinan ken amin dagitoy ket nasukimat dagiti otoridad iti inaramid da nga inspeksiyon iti pagserkan dagiti sementeryo.
Kalpasan ti Undas, impalagip ti Philippine National Police nga agtultuloy ti panangipatungpal dagiti law enforcement operations ken panagpatrolya tapno mapagtalinaed ti talna ken seguridad iti rehiyon, nangruna ita nga umadani manen ti holiday season.
