Palpasenen ti House Quad Committee ti partial report na mainaig ti imbestigasyon ti illegal a droga ken koneksyon daitoy ti operasyon ti Philippine Offshore Gaming Operators (POGOs) ken extrajudicial killings iti sidong ti administrasyon ni sigud a Presidente Rodrigo Duterte.
Seguin iti overall chairperson ti Komite a ni Representative Robert Ace Barbers manipud Surigao del Norte, ti partial report ket awagan da a “progress report” agsipud ta agtultuloy latta ti imbestigasyon uray pay nalpasen ti Christmas break.
Kinuna ni Barbers a target ti House Quad Comm nga ipresenta ti plenaryo ti Kamara ti progress report sakbay Christmas recess ti Kongreso a mangrugi inton Disyembre 21.
Dinakamat ni Barbers nga isubmitir ti Quad Comm ti “progress report” tapno maaksyunanen ti sumagmamano a singasing a gakat a naipila kas resulta ti insayangkat da a 12 a panagdengngeg.
