Nagbalin a sentro ti maikatlo nga status conference ti International Criminal Court iti kaadu ken organisasion ti ebidensia a maaramat iti kaso a crimes against humanity ni sigud a Presidente Rodrigo Duterte.
Inallukoy ni Presiding Judge Joanna Korner iti prosekusion a kissayan ti agarup 15,000 item ti ebidensia ken dagiti saksi tapno ad-adda nga episiente iti panagusig.
Kabayatanna, kenuna ti defense counse a ni Peter Haynes a kasapulan a repasuen ti depensa iti nasurok a 15,500 non-witness items ken nasurok 3,700 witness-related items.
Inikkan ti korte iti depensa ti pito nga aldaw tapno mangisubmitir ti mosion maipapan kadagiti reklamoda.###
