Impaganetget ti House prosecution panel nga umdasen dagiti ebidensia a indatag daytoy iti umuna a dua nga Articles of Impeachment kontra kenni Bise Presidente Sara Duterte, bayat nga isagsagana iti panangtalantan iti alegasion ti unexplained wealth iti Article II.
Segun kenni Bicol Saro Party-list Rep. Terry Ridon, naawaten ti prosecution manipud iti Senate impeachment court iti bank ken tax records ni Duterte, ti asawana a ni Manases Carpio, ken dagiti kompania a mainaig kadakuada.
Karaman kadagiti dokumento iti records manipud kadagiti innem a bangko ken Bureau of Internal Revenue, a masukimat kadua iti SALN ken dadduma pay a financial records tapno maammuan no maitunos iti sanikua ken transaksion iti naideklara a legal a napstrekan.
Iti Article II, maak-akusaran ni Duterte ti betrayal of public trust gapu iti maipagarup a panagurnong ti kinabaknang a saan a maitunos iti lehitimo a napastrekan ken pannakapaay a naan-anay nga ideklara dagiti sanikuana iti SALN.
Kenuna ni Ridon a nakasaganan iti prosecution nga ilatag iti ebidensia para kadagitoy iti katengngaan wenno maudi a paset ti Setiembre, kalpasan iti agdama a presentasion iti Article I mainaig ti maipagarup nga iregularidad iti ₱612.5 million confidential funds ti Office of the Vice President at Department of Education.
Kabayatanna, ad-adalen pay ti prosekusion no iduron iti Article III, a mangtaltalantan iti maipagarup a bribery ken procurement irregularities iti DepEd, wenno diretsio nga umalis iti Article II tapno mapaababa iti panagusig. Awan pay ti pinal a desision iti panel maipapan iti ditoy banag.###
