BR LA UNION – Inyanunsyo ni Lead Prosecutor Gerville Luistro a saanen nga iprisinta ti House prosecution panel iti innem pay koma a testigo iti impeachment trial ni Vice President Sara Duterte, nga adda pakainaiganna iti Article IV wenno maipagarop a panagpangta ti Bise Presidente.
Kabilang dagiti nai-withdraw a testigo ket iti mangibagbagi manipud Philippine National Police Firearms and Explosives Office (PNP FEO), media reporters nga isuda Mikhail Flores ken Bonz Magsambol, Sheriff Abe Andres, maysa a kabagyan ti biktima ti panagpangta, ken maysa a psychiatrist.
Immunan nga imbabawi da a paayaban kas testigo da OVP Chief of Staff Zuleika Lopez ken House Legislative Security Bureau Executive Director Belinda Bello.
Segun kenni Luistro, ni National Bureau of Investigation (NBI) Director Melvin Matibag ti agbalin a maudi a testigo ti prosecution para iti Article IV.
Iti testimonya ni Matibag ti manamnama a mangipaay ti pakabuklan a palawag kadagiti alegasyon ti pangta iti biag ni President Ferdinand Marcos Jr., first lady Liza Marcos, ken sigud nga House Speaker Martin Romualdez a nakapauneg iti impeachment complaint.
Iti desisyon ti prosecution nga agkissay ti testigo ket makitkita nga addang tapno mapapartak iti panagdengngeg ken maisentro ti atensyon kadagiti kangrunaan nga ebidensya ken testimonya a direkta nga adda pakainaiganna iti kaso.
