Inpaganetget ti pannakangiwat ti House prosecution ken Lanao del Sur Rep. Zia Alonto Adiong a saan nga agpadiktar ti House prosecution panel iti aniaman a pressure group iti impeachment trial ni Bise Presidente Sara Duterte.
Segun kenni Adiong, naibasar iti Konstitusion ken kadagiti ebidensia nga iparangda iti Senado kas impeachment court iti mandatoda, ken saan a kadagiti mangsupsuporta wenno mangbusor iti impeachment.
Kenunana pay a nabayagen nga adda ti agraraira a pressure manipud iti agsumbangir a dasig, ngem agtalinaed a naikumit ti prosecution iti due process of accountability.
Naituding a rugian ti Senado ti panagusig inton bigat, Hulio 6 kalpasan a maipaulog ti pretrial order ken makumpleto ti panagsagana.
Impaganetget ni Adiong nga idatagda iti ebidensia ken bay-an iti proseso agingga a malpas ti panagusig.###
