Inawagan ti House prosecution panel ni Bise Presidente Sara Duterte nga “architect” ken “mastermind” iti panangiggem ken panagusar kadagiti kompidensial a pondo ti Office of the Vice President (OVP).
Iti Senate Impeachment Court, nangidatag ti prosekusion kadagiti dokumento a mangpaneknek iti kiniddaw ni Duterte ti ₱250 million confidential funds, nagdesision iti gatad a mailatang ken pinirmaan dagiti dokumento para iti pannakairuar ken liquidation daytoy.
Impaganetget met ti prosecution nga uppat iti nagbalin a nagduduma a bersion ti OVP mainaig iti pannakausar ti pondo para kadagiti surveillance activities.
Kimmontra ti defense team iti pannakausar dagiti sarita nga “scam” ken “nagsisinungaling,” isu a naibilin a maikkat dagitoy iti opisial a rekord.
Kabayatanna, direkta a dinamag ni Presiding Officer ken Senate President Francis “Chiz” Escudero iti testigo a ni Lemuel Ortonio no dagiti transakdion ket ammo, adda iti sidong ti supervision ket otorisado ni Duterte.
Pinasingkedan ni Ortonio a dagiti pirma ti Bise Presidente iti nagbalin a basaran ti autorisasionna.###
