BR LA UNION – Pormal nga inikkat ti House prosecution panel iti bribery charge kontra kenni Vice President Sara Duterte tapno mapapartak ti impeachment trial.
Daytoy ti kinumpirma ni House prosecutor ken Manila Rep. Joel Chua.
Iti interview ti Bombo Radyo kenni Chua, imbaga na a napagdesisyunan da daytoy idi napan a lawas kalpasan a naikkat kas testigo ni sigud a Senator Antonio Trillanes.
Segun kenni Chua, mamati iti prosekusyon nga umdasen dagiti ebidensya a naisango iti tallo nga impeachment charges isunga saanen a kasapolan a maipursige iti Article III wenno bribery case.
Segun kenkuana, nairanta ti addang a maliklikan nga umabot iti sumaruno a tawen iti panagusig.
Namnamaen nga ituloy ti prosekusyon iti presentasyon dagiti testigo ken dokumento seknan iti Article II, kabilang dagiti isyu ti maipagarop nga unexplained wealth ni Duterte.
Pinaglibakan ni Chua nga indikasyon ti kinakurang iti ebidensya ti panangiyatras ti bribery charge, ken imbaga a mas kay-kayat ti prosekusyon a maileppas ti panagusig ita a tawen.
Segun kenni Chua, nakatuding a mangipaay ti opisyal a waragawag ni Lead Prosecutor Rep. Gerville Luistro seknan iti panang-drop da iti bribery case ita nga aldaw ti lunes, Oktubre 5.
