Saan a makatulong kenni sigud a presidente Rodrigo Duterte a mawayawayaan ken maawanan basol kadagiti sangsangwen na a kaso sadiay International Criminal Court dagiti isaysayangkat a protesta ken pammabalaw dagiti tagasuporta na manipud ti nagduduma a paset ti lubong.
Kinuna ni Atty. Jude Mangilog, maysa a law professor ken secretary ti Integrated Bar of the Philippines (IBP) Aklan Chapter a saan a mawaya-wayaan ti sigud a presidente babaen ti kastoy nga estratehiya agsipud ta iti ICC ket maysa nga independent institution nu sadino ket ibasar da iti desisyon nu anya iti mapaneknekan ti prosecutor ken ebidensya manipud ti defense team.
Imballaag na met a liklikan dagiti pro-Duterte a rauten ti ICC kas institusyon gapuanan ta adda iti sursuroten da a proseso.
Innayon pay ni Attyt. Mangilog a napatega a masurot ti rule of law ken liklikan ti agpadala iti emosyon.
Iti agdama ket inosente paylaeng ti estado ni Duterte kadagiti kaso a naipipla kontra kenkuana partikular ti crimes against humanity gapo iti war on drugs ti administrasyon na.
Apaman a mapasingkedan kadagiti charges iti maangay a hearing inton Setyembre 23 ken ibilin ti korte nga itultuloy iti panagdengngeg ket namnamaenen nga agpaot daitoy ti agingga sangapulo a tawen.
