Panggep a mangipasa ti ordinansa ti La Union Provincial Board tapno saanen nga maulit iti napasamak iti maysa a nursing graduate ti Lorma Colleges.
Daytoy iti kinuna ni Provincial Board Member Joy Ortega, kabayatan iti panagsangsangoda idi kalman dagiti maseknan nga indibidual.
Segun kenni Ortega, kabilang kadagiti kayat na ket agmartsa dagiti estudyante nga uray no saanda pay nga nakabayad iti babayadanda iti eskuwelaan, kuma ket ibaba dagiti babayadan dagiti estudyante tapno saan met a marigatan dagitoy, panangaramid ti Magna Carta kadagiti estudyante
Kayat pay ni Ortega ket agpublic apology ti Lorma Colleges mainaeg iti nasao nga isyu.
Kabayatan, impanamnama ti Lorma Colleges a nakasagana met dagitoy a maki cooperate iti Provincial Board mainaeg iti nasao nga isyu.
