Bimmisita ti Provincial Director ti La Union Police Provincial Office, PCOL LAMBERT A SUERTE agraman dagiti kameng ti San Fernando PNP babaen ti panangidaulo ti Chief of Police a ni PLTCOL FERNANDO G ACAIN, JR kadagiti nadumaduma nga evacuation areas ti Siyudad ti San Fernando, La Union ita nga aldaw Hulio 26, 2023
Daytoy ket tapno kitaen ti kasasaad dagiti lokalidad ken evacuees a naapektaran iti Super Typhoon Egay.
Itay alas-12 ti tengnga’i aldaw, 3 nga evacuation areas ti Siyudad ti San Fernando iti okupado dagiti 23 a pamilya wenno 98 nga indibidwal.
Nagballaag met ti kameng ti pulisya nangruna dagiti agnanaed iti igid ti baybay, nga umakar kadagiti natalged a lugar ken sumurot kadagiti instruksyon ken pammilin manipud lokal a gobyerno.
