Nabigbig ti Provincial Government of La Union (PGLU) kas Best LGU Advocate for Statistics iti intero a Pilipinas.
Naipaay ti pammadayaw idi kalman, Oktubre 28, 2026 iti Bangko Sentral ng Pilipinas Assembly Hall idiay Manila.
Nagun-od ti gobyerno probinsiyal ti La Union ti nasao a pammadayaw gapu iti naisangsangayan a panagregget ken panangisayangkat kadagiti aktibidad a mangitantandudo iti kinapateg ti estadistika iti intero a panawen, manipud Enero agingga Disyembre idi 2025.
Ti nasao a pammadayaw ket pammaneknek iti agtultuloy a panangitandudo ti gobiyerno probinsiyal kadagiti programa a nadisenyo tapno manayunan ti pannakaammo ti publiko mainaig iti pateg dagiti mapagtalkan ken umiso a datos.
Pinasingkedan manen ni Gobernador Mario Eduardo C. Ortega ti panagkumit ti PGLU a mangpataud iti transparent ken evidence-based governance babaen ti panangusar iti eksakto nga estadistika para iti local development planning ken policy formulation, ken para iti pannakabukel dagiti programa ken serbisiyo nga epektibo a mangtaming iti kasapulan dagiti umili ditoy La Union.
