Pinasingkedan ti Philippine Statistics Authority (PSA) nga awan ti nasarakanda a rekord ti pannakayanak, panagasawa, wenno ipapatay para kadagiti nagan a “Mary Grace Piattos,” “Kokoy Villamin,” ken “Milky Secuya,” a mapapati a nakaawat ti confidential funds manipud iti Office of the Vice President.
Kabayatan iti panagdengeg ti House Committee on Justice, kenuna ni PSA assistant national statistician Marizza Grande nga iti laeng nagan nga “Irene Tan” ti addaan ti kapada a rekord, ngem daytoy ket gagangay a nagan nga addaan ti kapada nga entries iti database.
Segun ti PSA, dagiti dadduma a nagan ket “negative record” wenno awanan ti dokumento iti sistemada.
Dagitoy a nagan ket nagparang kadagiti resibo a naisubmitir iti Commission on Audit a mangsuporta kadagiti confidential fund expenses ti OVP idi 2022.
Immunan a kinuwestion dagiti sumagmamano a mammanday-integ dagiti nagan ken nangitukon pay ti gunggona iti asinoman a makaitudo iti kinasiasino ni “Mary Grace Piattos,” a mapagduduaan a peke a tao gapu ta arigna kapada ti nagan iti nalatak a restaurant ken chichirya.
Kabayatanna, immunan nga imbaga ti kampo ti Bise Presidente a mabalin nga alias wenno pseudonym laeng iti nasao a nagan.###
