Nagtipon iti Provincial Statistics Committee (PSC) La Union iti maysa a workshop maipanggep iti panagaramid ti 2026–2032 Provincial Statistical Development Program (PrSDP), a naisayangkat idi kalman, Abril 23, 2026, idiay PSA-La Union Conference Room iti J&V Commercial Building, Sevilla, Siudad ti San Fernando, La Union.
Indauloan iti aktibidad ni Acting Chairperson ken Acting Provincial Planning and Development Coordinator Atty. Ruby Jean N. Balanon manipud iti Provincial Planning and Development Office, kadua ni Vice Chairperson Dr. Danites E. Teñido, Chief Statistical Specialist ti PSA-La Union. Immay met dagiti miembro ti PSC manipud iti naduma-duma nga ahensia ti pamahalaang panlalawigan ken nasional, kasta met dagiti representante ti pribado a sektor.
Iti workshop ket nagtaudan iti panangipatakder ti nalawag a direksion wenno “statistical roadmap” ti probinsia para iti sumaruno a pito a tawen. Naipaganetget met iti kinapateg ti napigsa ken maipateg a datos kas pundasion ti epektibo a panagserbi.
Babaen ti daytoy nga inisyatiba, maipaay napateg ti panangiaayon dagiti lokal a programa iti datos kadagiti pambansa ken panrehion a balangkas tapno masigurado a iti panagdur-as ti La Union ket maiturong iti husto, napudno, ken napapanahon nga impormasion.
Target ti PSC a mapapintas pay ti panagurnos ken panagusar ti datos a mangiturong iti nasaysayaat a serbisio ken nangato a kalidad ti panagbiag dagiti umili ti La Union.
Agtultuloy iti PSC, kadua dagiti miembrona, iti panagserbi para iti maysa nga alisto ken data-driven a probinsia. (Report by Bombo Jordan)
Photo Courtesy: PSA – La Union Provincial Statistical Office
