Impannakel ti Philippine Sports Commission nga awan ti agbalin nga aberya ken nakasaganadan iti hosting ti kaunaan a Philippine Women’s Open.
Segun kenni PSC chairman Patric Gregorio, sakbay ti tournament qualifiers inton aldaw ti Sabado ket 100% sa nakasaganan iti tennis court idiay Rizal Memorial Sports Complex.
Ado dagiti panagbalbaliw nga inurnos da kas iti fan zone, garden, ken ti mismo a playing courts.
Sipud pay idi bulan ti Disiembre ket nagtinnulong ti Philippine Sports Commission, Department of Public Works and Highways, ken City Government of Manila tapno maurnos ti Rizal Memorial Sports complex.
Mangrugi ti Philippine Women’s Open main draw matches manipud Enero 26 aginggana 31 bayat nga iti qualifiers ket mangrugi manipud Enero 24 aginggana 25.###
