Pinasingkedan ni Department of the Interior and Local Government Secretary Jonvic Remulla a naarestaren ti pugante a ni Police Lieutenant Colonel Rafael Dumlao, mastermind iti panag-kidnap ken panagpatay iti Koreano a negosyante a ni Jee Ick Joo idi tawen 2016.
Segun kenni Remulla, naarestar ni Dumlao ti maysa a balay idiay Quezon City, ita a parbangon ti Martes, kasaruno ti sumagmamano a lawas a surveillance.
Naiturong isuna sadiay Criminal Investigation and Detection Group para ti imbestigasyon. Impasiguro met ni Remulla a maawat ti informant ti nakatukon a P1.09M Reward para iti panangipaay na ti napateg nga impormasyon.
