LA UNION – Positibo nga intudo ti maysa a pulis iti suspek a nanghold-up iti maysa a money remittance center idiay Barangay Biday, San Fernando City, La Union itay kallabes.
Ni PO1 Mark Joseph Mamasig, PNP member idiay Pasuquin Police Station ken residente ti Barangay 29, Laoag City, Ilocos Norte ket personal a dimmatag iti San Fernando City Police Station tapno bigbigen iti suspek a nagtakaw ken nanghold-up iti nasao nga establisimento.
Iti suspek ket nabigbig iti nagan a Jun Cesar Sabangan, addaan ti umno nga edad, tubo ti Dingras, Ilocos Norte.
Base iti palawag ni Mamasig, personal nga am-ammo na iti suspek gaputa klasmeyt na idi daytoy iti high school idiay Laoag City.
Maipalagip nga umabot ti P10,000.00 cash money iti intaray idi ti suspek manipud iti nasao a money remittance center idi bulan ti Agosto.
