Pinasingkedan ti whistleblower dagiti mapukpukaw a mammallot a ni alias ‘Totoy’ a binayadan na ti nasurok dua a milyon a pisos ti maysa a grupo tapno patayen iti master agent a ni Ricardo “Jon-jon” Lasco.
Imbutaktak na pay a grupo ti pulis iti adda ti likudan iti pammapatay iti online sabong master agent nga agpatpataya ti saan nga otorisado a cockfight broadcast. Ti bagi na, kakadwa dagiti sabali pay a mammallot, ket intali da iti sako a napunno ti darat ken imbelleng da idiay Taal Lake.
Nangipakita pay ni alias ‘Totoy’ iti ebidensya babaen ti cellphone video a mangipakpakita kenni Lasco – a nakasuot ti dua a mask – nga impatulod met ti maysa kadagiti lider a nang-kidnap kenkuana iti pagtaengan na idiay San Pablo, Laguna idi Agosto 30, 2021.
Binigbig met dagiti kakabagian ni Lasco nga isuna a talaga ti adda iti video ken nagpanawagan da a protektaran dagiti witnesses ken marekobre ti bagi dagiti biktima idiay uneg ti Taal Lake.
