LA UNION – Linawlawagan ita ti pulisya iti immuna nga in-report-da a maysa a high value target (HVT) ti 17-anyos ti barito a maipagarup a biktima iti summury execution idiay syudad ti San Fernando, La Union.
Iti pannakiuman ti Bombo Radyo kenni S/Insp. Marissa Patacsil, spokesperson ti San Fernando City Police, kinunana a maysa laeng a newly identified drug personality ti nasao a barito a ni Jonhver Valdez.
Impaganetget ni Patacsil, a saan a karaman kas HVT ni Valdez uray no karaman daytoy iti panagikot ti droga.
Idi a sibibiag pay ti barito, naaresto daytoy babaen ti naisayangkat a buy-bust operation gapu ti maipagarup a panaglakona iti shabu ken naituorng daytoy iti sidong ti Regional Rehabilitation Center for Youth (RRCY) ti Department of Social Welfare and Development (DSWD).
Malaksid iti illegal drugs, maipagarup a mairamraman iti panagtakawan ditoy syudad ni Valdez ken rummuar-umuneg daytoy ti RRCY.
Immuna iti daytoy, base ti spot report ti San Fernando City Police Office a naipatulod idiay La Union Police Provincial Office idi July 1, 2017,nakalanad a ni Valdez ket natiliw babaen ti buy bust opertion ken karaman daytoy iti HVT.
Idi July 9, 2017 ket nasarakan a natay ti barito ken naiwalang ti bangkay daytoy a naikkan pay ti masking tape ti bibigna idiay Barangay Calabugao ditoy syudad. (Abs Flores)
