Pinabettakan ti saan pay a nabigbig a suspek iti maysa a patrol car ti Rajah Buayan Municipal Police Station idiay Barangay Sapakan ita nga aldaw.
Maibasar iti report, nagresponde dagiti pulis iti pagtaengan ti Municipal Administrator kalpasan a nakaawatda iti impormasion maipapan iti immun-una a panagbettak iti nasao a lugar, idi kellaat a mapasamak iti insidente bayat ti panagdaliasatda iti kalsada.
Pinasingkedan ni Police Captain Steffi Salanguit, spokesperson ti PRO BAR, nga awan ti nadangran kadagiti personnel ti pulisya iti baet ti panagbettak.
Ur-urayen ti pulisya iti kompleto a detalye mainaig iti insidente bayat a madama ti imbestigasion.###
