LA UNION – Impaganetget ni Naguituban, San Juan, La Union Punong Barangay Alex Ebreo a dimmapal iti umno a proseso ti panangted iti ayuda manipud ti Social Amelioration Program (SAP) iti masakupanna a lugar.
Sigun kenni Kapitan Ebreo, nalabit saan a naawatan dagiti agrekreklamo iti paggannurutan maipapan ti distribusyon iti tulong.
Iti palawag ti opisyal, kinunana a saan a mabalin a madoble iti pangalaanda ti tulong pinansyal nga agtaud manipud iti Department of Social Welfare and Development (DSWD) ken Department of Agriculture.
Dimmalan met iti validation dagiti mabinibisyaran iti nasao a tulong.
Immuna iti daytoy, maipagarup a sumagmamano a residente iti nangipeksa ti reklamo gapu ta saan a nakaawat dagitoy iti tulong manipud ti SAP.
