LA UNION – Nakontrolen ti pannakayakar wenno impeksion ti Query wenno Q fever kalpasan ti dagus a depopulation ken condemnation dagiti amin a infected a baka ken kalding.
Daytoy ti pinasingkedan ni Agriculture Secretary Arnel De Mesa no sadino a dagus a naisayangkat ti depopulation dagiti amin a naimpektaran a kalding ken baka sadiay Pampanga ken Marinduque idi Biernes iti surveillance areas iti uneg ti 500 a meters radius ti apektado a lugar.
Naadaan met koordinasion iti Department of Health mainaig iti epekto ti sakit iti salun-at ti tao tapno masigurado nga awan ti maapektaran.
Madama met ti surveillance ken contact-tracing efforts kadagiti indibidual ken animal.
Agingga ita awan pay ti confirmed human case ti Q fever ditoy pagilian.
Maibasar iti impormasion mainaig iti Q fever, daytoy ket maysa a zoonotic disease a patauden ti Coxiella burnetii bacteria a kangrunaan nga apektaranna dagiti karnero, baka ken kalding ngem mabalin met a mayakar kadagiti tattao babaen ti pannakakontak kadagiti naimpektaran nga ayup wenno ti ibleng wenno bagi ken birthing fluids.
Mabalin a pakaigapuan ti gurigor, panaglammin ken panagsakit ti karabukob, ken no saan a maagasan, mabalin a madevelop a komplikasion iti dalem ken puso.
