Iti umuna a gundaway, makaikawa ken naidumduma iti pananglagip ti Ramadan idiay pagilian ti Kuwait ita nga tawen gapu ti COVID 19 pandemic.
Daytoy ti inladawan ni Helen Jimenez, maysa a household worker iti nasao a pagilian.
No iti sigud kuna na ket nawaya dagiti Muslim nga agsamba kadagiti mosque ken ag-iftar iti ruar, ita ket agtaltalinaed laengen ti balayda dagiti.
Agtaltalinaed ngamin a nakarikep ti mosque iti agdama.
Kinuna pay ni Jimenez, a naisapsapa ti curfew a 4 o’clock manipud iti sigud a 5 o’clock ti malem, a naipatungpal sipud idi Ramadan, tapno makliklik iti panagu-ummong.
Kinuna na, ti saan nga nagbaliw ket ti oras ti fasting, suhoor ken Iftar, a maibilbilang a napapateg nga elemento ti Ramadan.
Daytoy ket wagas ti pannangan dagiti muslim, a mangrugi ti alas 6:00 ti sardam agingga alas 3:00 ti parbangon kalpasan iti atiddag a fasting.
Dates ken danom ti umuna a kanen dagiti muslim kas pang-break iti fasting sakbay dagiti arabic foods.
