LA UNION – Iti umuna a gundaway, makaikawa ken naidumduma iti pannakalagip ti Ramadan idiay Kuwait ita a tawen gapwanan ti COVID 19 pandemic.
Dayta iti panangiladawan ni Helen Jimenez, maysa a household worker idiay Kuwait.
Nu iti sigud kunana ket nawaya dagiti Muslim a mapan agsamba iti mosque ken ag-iftar iti ruar, ita a ket nakapupok laengen iti uneg ti bukod da a balay dagiti muslim.
Agtaltalinaed ngamin kunana a nakarikep dagiti mosque sadiay.
Segun pay kenni Jimenez, naipatungpal ti nasap-sapa a curfew nga 4 o’clock manipud iti dati a 5 o’clock ti malem sipud nangrugi ti Ramadan, tapno maliklikan ti panagu-ummong.
Iti laeng kunana saan a nagbaliw ket iti oras ti Suhoor ken Iftar, a maibilang a napapateg nga elemento ti Ramadan.
Daytoy ket wagas ti pannangan dagiti muslim, a mangrugi iti alas 6:00 ti malem ken aglepass sakbay ti alas 3:00 ti parbangon, kalpasan ti atiddog a fasting.
Dates ken danum iti kangrunaan ken umuna nga ipauneg dagiti muslim kas pang-break iti atiddog a fasting sakbay dagitoy a mangan kadagiti arabic foods.
