LA UNION – Inaklon iti Rank #3 iti kalkalpas a Librarian Licensure Examination, a ni Ruby Grace Galvez, a taga San Fernando City, La Union a tinarigagayan na nga ag-number 1 iti nasao nga eksaminasyon.
Nupay kasta, maragsakan latta daytoy gaputa nagun-od na iti maikatlo a puwesto, babaen iti 88. 55% iti nadakamat nga eksaminasyon.
Iti interview ti Bombo Radyo La Union kenni Galvez, naamwan a katurturpos na iti kurso a BS library and information iti Lorma Colleges ket nangala a dagus ti eksaminasyon a nairwar met ti resulta na idi kalman.
Sakbay ti nasao a kurso, nangala nga immuna ni Galvez iti kurso a BS Biology idiay UP Manila ken nangala ti LET exam.
Nupay kasta, saan a nagisuro.
Iti agdama, makomikom ni Galvez iti iman-manehar na a bukod a negosyo daytoy a maysa a restaurant.
