Inaresto iti nagtipon a puwersa ti Aringay Police Station ken Mongcada Police Station ti maysa a mannalon idiay Barangay Sta. Cecelia ili ti Aringay, La Union nga addaan ti kaso a rape.
Nabigbig iti suspek a ni Nerwin Peralta, 33, addaan asawa, residente ti Barangay Ablang Sapang, Mongcada, Tarlac.
Immuna ditoy, nangipaulog ti mandamiento de aresto ni Judge Agapito Luagan Jr, ti Regional Trial Court Branch 67 iti Panique, Tarlac idi Oct. 23, 2014.
Iti agdama, naibyahen idiay Tarlac ti akusado para iti panakaisango na iti korte.
