LA UNION – Nakared alert status pay laeng iti RDRRMC-Emergency Operation Center iti OCD Region One tapno bantayan iti posible pay nga epekto ti ipos ti puman-panawen a bagyo Rosita.
Daytoy iti kinuna ni OCD-Region 1 information officer Mark Masunog, kabayatan iti eksklusibo nga interview ti Bombo Radyo La Union kenkuana.
Iti agdama ditoy probinsiya ti La Union ket nakuyem iti paniempo ken makapad-padas pay laeng iti napigsa nga angin ken sagpaminsan a panagtudo.
Segun kenni Masunog, saan unay a naapektaran ti bagyo iti probinsiya ti La Union.
Nupay kasta, agtultuloy a nakabantay da iti pas-pasamak iti intero a rehiyon ken panagawat da iti assessment report manipud iti 4 a probinsiya ti Ilocos Region, tapno amwen dagiti perdisyon a ginubway ti bagyo Rosita, partikular iti benneg ti agrikultura ken imprastruktura.
