LA UNION – Agtaltalinaed iti maipatpatungpal a red tide alert ken shellfish ban idiay ili ti Anda ken Bolinao, Pangasinan.
Daytoy ti kinumpirma iti Bombo Radyo La Union ni Regional Director Nestor Domenden ti Bureau of Fisheries and Aquatic Resources (BFAR) Region One.
Kaipapanan daytoy kunana a saan pay a natalged para human consumption iti anyaman a klase ti shellfish, gaputa positibo pay laeng dagitoy iti red tide toxin.
Inlawlawag na, nga iti naisayangkat a naudi nga eksaminasyon iti kabaybayan a sakop dagiti nadakamat a dua nga ili, bimmaba laeng ti porsiento iti red tide toxin ngem saan pay a naan-anay a napukaw daytoy kadagiti shellfish.
