LA UNION – Kinumpirma ti Provincial Government ti La Union (PGLU) nga immimbag ken nakarwaren idi kalman, May 20, manipud ospital iti 28-anyos a babae a Covid 19 patient manipud idiay ili ti Santo Tomas, La Union.
Naggiddan da a na-discharge idi kalman ti maysa pay a COVID survivor a maysa met a maladaga manipud ditoy syudad ti San Fernando.
Gaputi dayta, agtaltalinaed a 2 laengen ti active cases ditoy probinsiya, manipud idiay ili ti Balaoan ken Bangar, ken agtultuloy a maag-agasan dagitoy iti ospital.
Segun met iti DOH Region 1, umaboten iti 15 dagiti recoveries iti Covid 19 ditoy probinsiya ti La Union.
Base iti DOH-CHD-1 COVID 19 reports, dandani makalawas manen nga awan ti nainayon a kaso ti COVID 19 iti intero a rehiyon uno ken agtaltalinaed a 63 dagiti total confirmed cases, 47 iti recoveries kabilang iti dua a baro ditoy La Union ken agtaltalinaed a 12 iti total deaths.
