LA UNION – Kagiddan iti panangideklara ni Pres. Rodrigo Duterte iti public state of health emergency itay nabiit, sinigurado met ni DOH
Region One Director Valeriano Lopez, a nakagasagana dagiti pasilidad kadagiti pagagasan a mang-accommodate kadagiti mapan
agpakonsulta ingkaso a makapasar dagitoy iti simtomas ti COVID 19.
Kinuna pay ni Dr. Lopez a panayunan na dagiti isolation rooms iti amin a DoH hospitals ken maaddaan ti ambulansiya a para laeng
kadagiti posible nga apektado ti covid 19.
Imballaag na pay iti amin a pagagasan, nangruna kadagiti pribado nga ospital, a saan a mabalin nga kedkedan a tamingen iti maysa a
pasyente ti covid-19.
Kabayatanna, impaganetget ni Dr. Lopez nga awan pay ti local transmission ditoy Region 1.
Immuna metten a pinatalgedan ti opisyal a negatibo iti resulta manipud covid 19 dagiti 15 a PUI’s iti intero nga Ilocos Region, a kaadwan
na ket overseas filipino workers.
Kinunana a dagiti 15 a PUI’s nag-negatibo ket addaan ti travel history idiay china, taiwan, hongkong, ken south korea.
Nupay kasta, iti agdama ket adda iti 41 a person’s under monitoring dagiti health personnels.
Kayat na sawen, iti persons under monitoring (PUM) ket awan ti sintomas iti covid-19 a nakita kadakuada ngem naggapo da kadagiti
pagilian nga adda ti kaso na.
Ngem inlawlawag ti direktor nga agingga iti agdama ket agtaltalinaed a covid 19 free ti probinsiya iti La Union ken intero a rehiyon uno.
