Nakailista ti 16 a baro a kaso ti Covid 19 iti intero a Region 1 idinto a dumanon iti 786 ti total cases maibasar iti datos manipud Department of Health, Center for Health Development Region 1.
Manipud iti nasao a bilang, 562 ti nailista a recoveries kalpasan a nanayunan iti 16 a baro a immimbag manipud iti makapatay nga virus bayat a 33 iti bilang dagiti pimmusay.
Iti probinsya ti Pangasinan pay laeng iti kaaduan a nakailista ti nangato a bilang ti Covid 19 nga dumanon iti 384; ma-ikadua ti La Union (227); Ilocos Sur, (63); Ilocos Norte, (58); ken Dagupan City, (54).
Dumanon met iti 54 dagiti adda kadagiti pagagasan; 108 ti adda kadagiti isolation facility bayat a 29 dagiti naka home quarantine.
Kabayatan na, nainget iti palagip iti publiko maipapan iti panangsurot iti minimum health standards ken protocols tapno makaliklik iti makapatay nga virus.
