Dumanon itan iti 101 ti kaso iti Covid 19 iti Ilocos Region, maibasar daytoy iti kaudian a case bulletin iti Department of Health Region 1.
Kaadwan iti kaso ket naggapu iti probinsiya iti Pangasinan a dumanonen iti 74; La Union, 22; a ti kaudian a kaso ket taga Naguilian, La Unon. Ilocos Sur, 3; ken Ilocos Norte, 2.
Mainaeg daytoy dumanon iti 21 ti active cases ditoy rehiyon.
Maibasar pay iti datos, (4) ti naka-admit iti pagagasan, (1) ti nakahome quarantine ken (14) ti agtaltalinaed kadagiti quarantine facility ken adda ti (3) a nakahome quarantine.
Iti agdama 68 ti recoveries ken 12 ti pimmusay gubuay iti Covid 19.
Maibasar iti datos dagiti suspected cases ditoy ilocos region nanayunan pay ti bilang na daytoy no sadinno ket dumanon iti 3,848 itattan dagiti suspected ken 3,409 ti negative iti sagubanit ken adda ti 161 ti maururay ti swab test na
Kabayatanna, mainaeg ti Covid 19 case iti La Union, agtaltalinaed daytoy iti isolation facility ken naipasidong iti swab test idi kalman no sadinno maururay ti resulta daytoy segun kenni Dr. Teofilo Dumaguing Jr., agdama a Municipal Health Officer idiay ili ti Naguilian iti koordinasyon iti Bombo Radyo La Union kenkwana.
Iti sabali a bangir, segun kenni Dr. Rheuel Bobis, medical officer iti DOH Region 1, nga awan pay ti second wave iti Ilocos Region.
