Ibilang a dakkel nga pukaw ti Department of Social Welfare & Development ken saanen a maakem ni Sec. Judy Taguiwalo ti trabaho kalpasan a ma-reject ti confirmation na iti Commission on Appoinment (CA).
Segun kenni Irene Cubangang, Information Officer ti DSWD Region 1, nasakit kadakuada iti kaawan ti tao a pudno iti trabaho ken takder daytoy.
Kinuna na, gapu kenni Sec. Taguiwalo, mas naam-ammo ken naikkan ti panawen dagiti programa nga ar-aramiden ti ahensya no sadino mas naparpartak daytoy a ma-access dagiti agkasapolan.
Nupay kasta, agtultuloy latta ti ahensya iti panangipaay ti tulong kadagiti agkasapolan iti likodan ti rejection ni Taguiwalo.
Kabayatan na, mangnamnamada nga itultuloy ti sumaruno nga sekretaryo ti ahensya dagiti narugyanan ni Taguiwalo nga adda ti puso nga agserbi.
