LA UNION – Agtultuloy iti ganwat ti Bauang-LGU nga idaulwan ni Mayor Menchie de Guzman, a panangibunong ti relief goods kadagiti umili, a naapektaran iti pannakaipasidong ti probinsiya a La Union iti ECQ to GCQ gapwanan iti coronavirus 2019.
Idi kalman, Mayo 6, nagturong iti bunggoy ni Mayor Menchie iti lima a barangay a pakairamanan iti Paringao, Pottot, Bawanta, Cabisilan ken Dili.
Maragsakan dagiti residente iti naawat da a kagudwa a kaban ti bagas a napasurutan iti nat-nateng ken bukel.
Kabayatanna, naminsan pay nga immapela ti opisyal kadagiti dadduma a barangay a saan pay a naipaayan ti tulong, a saan a madanagan agsipudta agturong ti bunggoy na iti amin a barangay ti ili tapno idanon ti nasao a tulong.
