Temporario a nawayawayaan ni Dasmarinas, Cavite Representative Kiko Barzaga kalpasan a nagpiyansa iti walo a nagsisina a kaso ti cyberlibel, segun iti Cavite Police Provincial Office (PPO).
Basar iti Dasmariñas Component City Police Station, dagus a nawayawayaan ti kongresista agarup alas-10:25 iti rabii ti Lunes, Abril 13 kalpasan a boluntario a simmuko kalpasan ti arrest warrant nga inruar ti Makati City Regional Trial Court.
Pakabuklan a P384,000 iti piyansa ni Barzaga gapu iti walo a kaso ti cyber libel.
Nagtaud iti kaso ti kongresista iti online post-na no sadino nga inakusaranna ti negosiante a ni Enrique Razon ti maipagarup a panagpasuksok kadagiti kongresista a miembro ti National Unity Party tapno suportaran ti speakership bid ni sigud nga House Speaker Martin Romualdez iti sidong ti 20th Congress.
Immuna a nagpadispensar ti kongresista iti business tycoon idi Enero 2026 kalpasan a mapilaan ti cyber libel. Inadmitir ti kongresista a ti alegasionna ket nagramut iti personal a gura ken kenunana a nakasagana nga awaten iti aniaman a dusa.###
