Nangipeksa ti panagdanag ni Davao City 1st District Representative Paolo “Pulong” Duterte iti report a mapapati a mapagpangpangtaan iti biag ti sigud nga household staff ni Vice President Sara Duterte.

Kasaruno daytoy ti statement ni Atty. Paolo Panelo, spokesperson ni VP Sara, a nakaawat ti Bise Presidente ti mensahe manipud iti sigud nga empleyado a kumidkiddaw iti tulong gapu ta mapapati nga adda daytoy iti kustodiya iti sumagmamano nga indibidwal ken agpegpeggad iti biagna.

segun kenni Pulong, nu kas bilang pudno ti alegasyon, rumbeng daytoy nga maimbestigaran tapnu masigurado ti kinatalged ken karbengan ti sigud nga empleyado.

Inyarig napay dayutoy iti insidente iti immunan a kaso ni Jefry Tupas ken impaganetget a rumbeng a lawagin ti posible a papel ti National Bureau of Investigation (NBI) ken sabali pay nga ahensiya ti gobierno.

Impaganetgetna pay a rumbeng a madusa ti asinoman a mapaneknekan a karaman ken saan a rumbeng nga aramaten dagiti institusyon kas igam iti pulitika.