Impada ni House Prosecutor ken Manila Rep. Joel Chua iti isyu ti confidential funds ni Bise Presidente Sara Duterte iti fertilizer scam, gapu ta agpada a nagtaudan dagiti saludsod no sadino ken kasano a nausar dagiti kuarta ti gobyerno.
Kenuna ni Chua a sumaruno a sumango iti impeachment court dagiti auditor ti Commission on Audit (COA) tapno ilawlawagda no nagbalin a nasayaat iti pannakausar ken pannakairepot ti ₱612.5 million a confidential funds ti Office of the Vice President ken Department of Education.
Saanen a kasapulan a tumestigo dagiti dua nga opisial ti militar a maipagarup nga immawat ti pondo, gapu ta ti Special Disbursing Officer iti adda pagrebbenganna iti pannakaimanehar ken pannakausar daytoy.
Impaganetgetna met a saan nga umdas nga adda ti panggep iti pannakausar ti pondo, no di ket masapul met a mapaneknekan a nausar daytoy iti umiso a wagas ken napagnumaran dagiti pudno a benepisiario.
Inayonna a maaddaan latta ti gundaway iti depensa a sungbatan dagiti amin nga alegasion iti impeachment trial.###
