Naaddaan ti nakaro a sinuppiat iti plenaryo ti Kamara kalpasan nga inakusaran ni Batangas Rep. Leandro Leviste dagiti sumagmamano a nangato nga opisial ti binilion a pisos a panaggatang ti botos ken nalabes a panaggastos iti kampania idi 2025 elections.
Nainget nga inlibak ni Quezon Rep. David Suarez iti pannakairaman ti probinsiana ket kinarit ni Leviste a mangidatag ti ebidensia.
Kinontra met ni Deputy Speaker Janette Garin iti privilege speech ni Leviste kas “hearsay” ken awan ti umdas a basaran, ken nangipila ti mosion nga ikkataen daytoy manipud iti opisial a rekord.
Kadua da Rep. Leila de Lima ken House Majority Leader Sandro Marcos, impaganetget ti Kamara a saan a pagbalinen nga entablado iti plenario para kadagiti espekulasion ken pammabasol nga awanan ti ebidensia.
Indepensa ni Rep. Ryan Recto iti pamiliana kontra kadagiti alegasion, ken kenunana a propesional laeng ti koneksion kenni Rep. Edwin Gardiola.
Tinakderan ni Leviste dagiti alegasionna a maibasar iti “research ken estimates,” ngem mabalin a kumontra iti kaadduan ken nagtutunos nga ibasura dagiti waragawagna iti official record.###
