Kiniddaw ni Davao City Representative Paolo Duterte iti National Bureau of Investigation (NBI) nga iraman iti imbestigasyon dagiti flood control project a konektado iti distrito ni Laguna Rep. Ann Matibag, asawa mismo ni NBI Director Melvin Matibag.
kasaruno daitoy iti waragwag ti NBI nga ipaayab da dagiti contractors a konektado kadagiti red-flagged flood control project iti umuna a distrito ti Davao City.
Kinuna ni Duterte a panggep na a makita dagiti dokumento, video, ken mismo a proyekto a makunkuna a substandard wenno ghost projects. Impaganetget na a nasken ket agpapada iti allagaden ti imbestigasyon ken awan iti lugar wenno proyekto a mapili nga imbestigaran.
Ipadpadamag na pay nu ipaayab ti NBI dagiti Discaya contractors, a konektado metlaeng kadagiti dua a proyekto iti distrito ni Matibag.
Nagpanawagan isuna nga aramiden a publiko ti NBI dagiti ebidensya ken resulta ti imbestigasyon tapno makita iti aktuwal nga ar-aramiden dagiti otoridad.
