Nagpinnangngeg iti social media ni Bicol Saro Party-list Rep. Terry Ridon ken Senadora Imee Marcos kasaruno dagiti napartuat nga alegasyon iti panagdengngeg ti Blue Ribbon Committee nga indauloan ti Cayetano bloc.
Kinuna ti nagpaam-ammo a sigud a Marine a ni Rosebert Waupan a nakita na iti maysa a maleta a naipatulod kenni Rep. Ridon ken nailugan daitoy ti BMW idiay Quezon City.
Kasaruno na ket nangibinglay ni Senadora Marcos iti quote card a naglaon ti paset iti testimonya ken kinabilan na iti caption a, “Wag mo siyang maTERRY TERRY!” a nagtaud iti linyada ni Maricel Soriano iti pelikula a “Minsan Lang Kita Iibigin.”
Dagos met a pinaglibakan ni Ridon iti nasao nga alegasyon iti social media. Kas maysa kadagiti House prosecutors iti impeachment case kontra kenni Bise Presidente Sara Duterte, impaganetget na a saan gna apektaran ti alegasyon iti trabaho da.
