Inallukoy ni House impeachment prosecutor ken Bicol Saro Party-list Rep. Terry Ridon ni Bise Presidente Sara Duterte a sangwen iti korte iti tallo bilang ti grave threats kontra kenkuana ken saan nga ipamaysa iti panagbuteng daytoy iti bukodna a seguridad.
Kasaruno daytoy ti waragawag ni Duterte idi Setiembre 5 a saan isuna a natalged ken pagam-amkan a mapatay bayat nga agturong iti Quezon City Hall of Justice tapno sangwen iti warrant of arrest.
Nangiruar ti QC Regional Trial Court Branch 98 ti warrant of arrest kontra kenni Duterte idi Setiembre 4 kalpasan a makitaan ti probable cause dagiti tallo a bilang ti grave threats. Naituding iti piyansa nga ₱120,000 tunggal bulang, wenno ₱360,000 amin.
Idi Setiembre 5, personal a simmango ni Duterte iti korte ken nagbayad ti pakabuklan a ₱360,000 a piyansa.
Nagramut iti kaso iti waragawag na idi Nobiembre 2024 nga adda ti binilin na a mangpatay kada Presidente Ferdinand Marcos Jr., First Lady Liza Araneta-Marcos, ken sigud nga House Speaker Martin Romualdez no kaspangarigan mapatay isuna.
Naisina iti criminal case iti impeachment trial ni Duterte iti Senado, nupay karaman met iti impeachment charges iti alegasion mainaig ti nasao a panangipangta.###
