LA UNION – Agtultuloy ti ganwat iti OWWA Region 1 nga educational assistance para kadagiti kwalipikado a college-level dependents dagiti OFW’s a naapektaran ti trabaho da idiay ballasiw taaw gapwanan ti Covid-19.
Segun kenni Geraldine Lucero, Labor Communications Officer iti OWWA Region 1, addan iti 10 a benepisaryo ti natulongan da ditoy probinsiya ti La Union, babaen iti tulong a Project EASE iti nadakamat nga ahensiya.
Ti nasao a proyekto ket tarigagay na ti mangipaay iti educational aid a 10,000 pesos per annum para iti maximum a 4 years kadagiti kwalipikado a dependent iti maysa nga OWWA member nga addaan ti aktibo a membership status ngem na-repatriate gapwanan iti covid outbreak.
Segun kenni Lucero, adda iti 600 slots a nakailatang ditoy Region 1 para kadagiti agbalin a benepisaryo iti nasao a proyekto.
Impaganetget na a dagiti mabalin nga ag-avail iti PROJECT Ease ket dagiti Repatriated Overseas Filipino Workers (OFWs), addaan ti anak nga agad-adal iti kolehiyo ken aktibo a miyembro iti Overseas Workers Welfare Administration.
