Inwaragawag ni Senate Deputy Minority Leader Risa Hontiveros nga adda itan ti agrikrikos a draft resolution kas sungbat ti Senado iti desisyon ti Korte Suprema seknan ti impeachment ni Bise Presidente Sara Duterte.
Mangdakdakamat daitoy kadagiti sumagmamano a reference manipud kadagiti sigud a Justices a mangipapaay kadagiti wagas nu kasatno nga agabante iti kaso. Innayon ti Senadora nga agbenepisyar da iti nasao a draft, nangruna para iti umadani a debate inton Agosto-6
Kinuna ni Hontiveros a nagperma isunan iti resolusyon, kakadwa dagiti tallo pay a senador iti umuna nga aldaw ti 20th Congress. Uppat da paylaeng iti agdama ngem panggep da a maallukoy iti ad-adu pay a senador agingga magun-od iti mayorya idiay plenaryo.
