(UPDATE) LA UNION – Maipaayan ti tulong pinansiyal iti pamilya dagiti tallo a biktima ti pannakagabur idiay Barangay San Fermin, Caba, La Union.
Maibasar iti nakalap nga impormasyon ti Bombo Radyo La Union, maikkan ti tulong pinansiyal dagiti naulila a pamilya dagiti biktima, babaen iti iti maysa a resolusyon a naipasa iti provincial board idi napan a lawas.
Nupay saan a nadakamat iti kantidad a maited, iti nasao a financial assistance ket pagbinnuligan nga ited ti provincial gov’t. ken iti provincial board.
Maipalagip a natay kalpasan a magaburan iti kalkalyen da nga abut dagiti tallo a treasure hunters nga isuda Bonifacio Rimorin, 54, iti anak na a ni Jonathan, 30 ken Wilfredo Gatchalian, 59, agpapada a residente ti nadakamat a barangay.
Napasamak ti insidente idi Lunes, Mayo 29, 2017.
