LA UNION – Inruaren ti Korte Suprema ti listaan dagiti nakaruar iti 2024 Shar’iah Bar Examinations.
Sangapulo ket maysa ti nakastrek iti Top 10 nu sadino ni Nurhaifah Punginagina ti nangidaulo babaen ti 86.75% a passing rate.
Simmaruno kenkuana ni Sittie Nazriyyah Gubat iti Top 2 nga addaan iti 86.10%, ken maikatlo ni Sittie Fairoza Alonto nga addaan iti 86.025%.
Maikapat ni Joanina Suwalawan-Adjinoor, maikalima ni Ayesha Aminah Mambuay, maikanem ni Fatimah Sohra Usodan.
Maikapito agingga iti maikasangapulo a puesto da Aznakrah Orpila Acmad, Abdulwasi Albem Barapangcat, idinto nga agpada a maikasangapulo da Maria Belen Al-Namit ken Normalah Said.
Segun kenni Supreme Court Associate Justice Maria Filomena Singh, historiko ti Shari’ah Bar Exams ita a tawen gapu ta daytoy ti umuna a gundaway a nagserbi ti maysa a kameng ti Korte Suprema kas chair dagiti nageksamen.
Inpakaammo ni Justice Singh a mangrugi iti tunggal dua a tawen, tinawen a maangay ti Shari’ah Bar Exams.
